Sunday, February 26, 2012

اجتماع السبت 25/2/2012

  ملخص اجتماع 




قبل الاجتماع من 2 ظهرا كنا  قعدنا مع  مجموعة باحثين فى  مجال المحليات بالاضافة  لمجموعات بتشتغل في  الجيزة ,المطرية وشرق القاهرة.. الحوار كان مفيد جداً وخبرتهم في الشارع هتساعد بقية مجموعات العمل.. قعدنا كمان مع هيثم ياور وهو متخصص في دراسة المشكلات الخاصة بالمحليات من واقع خبرته ودراسته وانضموا كلهم للاجتماع لما بدأ
الاجتماع نفسه كان حيوي وطلعنا منه بأفكار كتير تقرب "محليات" للشارع وتعرف الناس بينا.. بدأنا باقتراح لحل مشكلة البوتاجاز وحصر التوكتوك و حاجات تانية كتير . ووصلنا منه لكذا اقتراح لتقديم خدمات عامة للناس وتسهيل بعض المشاكل الي بيقابلوها في التعامل مع المصالح الحكومية.. ده غير اقتراحات أخرى لتعريف فريق المتطوعين بالمحليات ونظمها وقوانينها بشكل أكبر.
قررنا البدأ فى مشروع "خريطة حي" و دي خريطة هنعملها كمتطوعين عليها أماكن الخدمات الأساسية (الحى –القسم- مستشفيات و وحدات صحية ,الخ الخ ). الهدف من المشروع ده هو اننا نعرف الشارع بينا و بنشاطنا و نوريهم قدرتنا على التنظيم و تقديم خدمة مفيدة بأقل تكاليف .
فى نشاطات تانية اتفقنا عليها و جارى العمل فيها : 
  1. فيديو للحملة الخاصة برفض القانون القديم 
  2. حملة جرافيتي للاعلان عن حركة محليات 


بنتحرك وكل اجتماع بناخد خطوة جديدة. محتاجين الناس تنضم وتلتزم معانا بالاجتماعات وده هيسهل تكوين مجموعات عمل المناطق عشان كل مجموعة تنطلق وتبدأ توعي منطقتها وتخدمها.
عرفوا الناس بينا و خلو الناس تملى استمارة التطوع.أخر الاسبوع هنكون خلصنا تكوين المجموعات  و نبعت لكم خطوات  العمل للانتهاء من الخريطة . 





1 comment:

  1. ياريت الكلام دة يتنشر كــ نوت علي الفيس بوك علشان ينفع نعمل له شير بسهولة.
    شكرا

    ReplyDelete